Mensaje
por Arronidaeco » 19 Abr 2020, 15:33
Y el tiempu que eches p'atender les abeyes ye poquísimu en xeneral tomando de referencia'l añu enteru. Nesi sentíu, y en munchos más, ye'l ganao más agradecíu y productivu qu'hai, da menos guerra tener quince casie!!os que una vaca, un caballo, o hasta una pita. Ye verdá qu'ahi temporáes que tienes que tar un poco más enriba d'elles pa evitar que t'enxamen (enjambren), poles mieláes, o pa reproduciles pa reponer les baxes (que vas tener inevitablemente), p'aumentar el númeru de casie!!os que ya tienes, o hasta pa vender enxames a terceres persones. Pero en ningún casu, ni siquiera en plena temporá de producción, vas tener que dir tolos díis ni siquiera toles semanes a atendeles. Ye más, munches veces ye hasta contraproducente porque cuando abres un casie!!u descompónesles, dexan de facer lo que tan faciendo y creas un poco de cáos na colonia y eso va un poco en detrimentu de la so propia organización a cortu plazu. A llargu plazu non, porque de facer un bon manexu dependerá gran parte de la producción que saques y acaba mereciendote la pena. Tamién ye verdá que non tol tiempu que eches va ser revisando los casie!!os, ya que tendrás que facer otros !!abores más propios de mantenimientu y reparación de material, pero esto nun teniendo más de quince o venti casie!!os ye poquísimo. Pa que te faigas una idéa, yo llevaba sólu, quitando !!abores puntuales, ente 800 y 1200 casie!!os, trabayando una media de 30/35 hores semanales.
Si quies que t'esplique meyor cualquier estes o cualquier otra cuestión concreta, como puean ser los pasos a seguir si quies entamar con unos pocos casie!!os, les perres que costaría esa inversión inicial, o infraestructura y material imprescindible necesariu pa ello, dímelo y de bona gana darete la mio opinión.
A too esto, güei sal en La Nueva España una fueya sobre apicultura pal que-y interese.